စစ်ဘေးရှောင်ပြည်သူများအတွက်အစားအသောက်နှင့် အဝတ်အထည်တို့အားထပ်မံ ပေးပို့လှူဒါန်းနိုင်ရေးကြိုးစားဆောင်ရွက်

 

ကရင်ပြည်နယ် လေးကေ့ကော်ဒေသသို့ အကြမ်းဖက်စစ်တပ်မှ လက်နက်ကြီးများဖြင့် ပစ်ခတ်ခြင်း နှင့်လေကြောင်းတိုက်ခိုက်မှုများကြောင့် ထိုင်း-မြန်မာနယ်စပ်ရှိ မဲ့ကို့ကင်း (နွားခြံ)စစ်ဘေးရှောင် စခန်းသို့ရောက်ရှိ ခိုလှုံနေကြသည့် စစ်ဘေးရှောင်ပြည်သူများအတွက် အမျိုးသားညီညွတ်ရေးအစိုးရ၊ အလုပ်သမားဝန်ကြီးဌာနနှင့် ထိုင်းရောက်မြန်မာလုပ်သားကူညီစောင့်ရှောက်ရေးကော်မတီ (AAC) မဟာမိတ်အဖွဲ့ တို့ပူးပေါင်း၍ စစ်ရှောင်ပြည်သူများလိုအပ်လျက်ရှိသည့် အစားအသောက်နှင့် အဝတ် အထည်တို့အား စစ်ဘေးရှောင်ပြည်သူများထံသို့ တိုက်ရိုက်ရောက်ရှိစေရန် မြေပြင်အထိပေးပို့ ဆောင်ရွက်လျက်ရှိပြီး ကျန်ရှိနေသည့် စစ်ဘေးရှောင် ပြည်သူများအတွက် ဆက်လက်၍ ထပ်မံ ပေးပို့လှူဒါန်းနိုင်ရေး ကြိုးစားဆောင်ရွက်လျက်ရှိပါသည်။